28-may kuni dunyoning turli burchaklaridan olingan eng qiziqarli suratlar jamlanmasini taqdim etamiz.
Pokistonning Panjob viloyati Laxor shahrida savdogarlar tarvuzlarini yuk mashinasidan tushirmoqda. Mamlakatda bir hafta davom etgan yopiq tartib tugatildi.
Foto: Rex
Ispaniyaning Madrid shahridagi ko‘chma kinoteatrda avtomobillarida o‘tirgan holda film ko‘rayotgan odamlar.
Foto: Getty Images
Rossiyaning Murmansk viloyatidagi Barens dengizi uzra uchayotgan baliqchi qushlar (chaykalar).
Foto: ТASS
Keniyaning Nayrobi shahrida tibbiyot xodimi va mahalliy aholi vakili koronavirus tahlili uchun ommaviy test olish jarayonida.
Foto: Reuters
Isroilning Tel-Aviv shahrida “Batsheva” raqs truppasi a’zosi Yael uyida mashq qilmoqda.
Foto: Reuters
Fransiyaning Parij shahridagi Printemps Haussmann univermagi karantindan so‘ng qayta ish boshladi.
Foto: Reuters
Fransiyaning Marsel shahridagi MuCEM muzeyi yaqinida joylashgan O‘rtayer dengiziga “kalla tashlayotgan” erkak.
Foto: Getty Images
Xitoyning Nantun hududida Yanszi daryosi ustidagi ko‘prikda harakatlanayotgan yuk mashinalari.
Foto: Getty Images
Avstraliyaning Sidney shahrida dengizda ko‘tarilgan kuchli bo‘ronda APL England yuk kemasi 40 dan ortiq konteyneridan ayrilgan. Endilikda ularning plastik qismlari qirg‘oqlarga suzib kelmoqda.
Foto: EPA
AQShning Nyu-York shahrida ESPO nomi bilan tanilgan rassom Stiven Pauersning ijodiga mansub freska.
Foto: Getty Images
Mavzuga doir: Sirli rassom Toshkentdagi binolar devorlarini koronavirus pandemiyasi mavzusidagi graffitilar bilan bezatmoqda (foto)
Xitoydagi “O‘lik dengiz” nomini olgan tuzli ko‘lga qush parvozi balandligidan nazar.
Foto: Getty Images
Erondagi Al-Fo bandargohida baliqlarni ushlab turgan o‘smir yigit.
Foto: Getty Images
Ispaniyaning Barselona shahrida joylashgan tumanlardan birida Nissan zavodining yopilishiga javoban ishchilar mashina shinalarini yoqib yubordi. Yopilish ortidan 3000 ga yaqin odamlar ishsiz qoladi.
Foto: AP
O‘zbekiston Prezidenti Shavkat Mirziyoyev raqobat muhitini ta’minlash masalalari bo‘yicha yig‘ilishda.
Foto: Prezident matbuot xizmati
Rossiya prezidenti Vladimir Putin Moskva shahri meri Sergey Sobyanin bilan muloqotda poytaxtda karantin tartibini yumshatishning ilk choralarini ko‘rib chiqdi.
Foto: Reuters
Mavzuga doir: Rossiyaliklarning to‘rtdan bir qismi koronavirusni undan manfaatdor shaxslarning uydirmasi deb hisoblamoqda
Britaniyadagi Rabi qasri oldida yurgan bug‘ular.
Foto: Reuters
Keniyaning Nayrobi shahridagi Keniati Milliy shifoxonasida ish jarayonidagi ruhiy bosimlardan xalos bo‘lishi uchun tibbiyot xodimlariga Zumba mashqlari tavsiya etildi.
Foto: Reuters
AQShdagi Kapitoliy gumbazi fonida turgan uysiz yigit. U Vashingtondagi Milliy savdo markazi tomon oshiqmoqda.
Foto: Reuters
AQShning Florida shtatidagi Kennedi kosmik markazida SpaceX Falcon 9 raketasi va Dragon kosmik kemasining uchirilishi oldidan oilasi bilan ko‘rishayotgan NASA astronavtlari Dug Xerli va Bob Benken. Keyinroq parvoz noqulay ob-havo sabab qoldirildi.
Foto: Reuters
Futbol bo‘yicha Germaniya chempionati bahslari koronavirusdan vafot etgan bemorlarni bir daqiqa sukut saqlash bilan xotirlashdan boshlandi.
Foto: Reuters
Avvalgi kunlarning fotogalereyalari:
- Muhokamaga sabab bo‘lgan Amir Temur haykali, namoyishga chiqqan dunyo, plyajdagi buldozer. 27-may suratlari
- Toshkentning “qizil”ga aylanish ehtimoli, tarozidagi toshbaqa, namoyishga chiqqan tibbiyot xodimlari. 26-may suratlari
- Maktabga qaytgan o‘quvchilar, golf o‘ynayotgan Tramp, faoliyatini tiklagan metro. 25-may suratlari
- Bo‘m-bo‘sh Makka, masjidda o‘qilgan Hayit namozi, koronavirusdan himoyalovchi bug‘li kabina. 24-may suratlari
