Саудия Арабистонида коронавирус пандемияси сабабли дезинфекция учун ёпилган 90 мингдан ортиқ масжид ва намозхона 31 май бомдод намозидан бошлаб яна очилади. Бу ҳақда мамлакатнинг ислом ишлари бўйича вазирлиги Twitter’да маълум қилган.
Вазирлик масжидларга коронавирусга чалиниш хавфи гуруҳига кирувчи кекса ёшлилар ва болалар келмаслигини мақсадга мувофиқ деб айтган. Масжидларга ниқобларда келиш, қўлларни ювиш ва 2 метрлик ижтимоий масофа сақлаш буюрилган. Шу мақсадда масжиддаги гиламларда махсус белгилар қўйиб чиқилган.
Бундан ташқари, масжидларга намоздан 20 дақиқа олдин келиш мумкин. Намоз адо этилгандан 20 дақиқа ўтиб масжидлар ёпилади.
Сўнгги маълумотларга кўра, Саудия Арабистонида коронавирусга чалинганларнинг умумий сони 80 мингдан ошди, беморларнинг 54 мингдан ортиғи соғайди, 441 нафари вафот этди.
Изоҳ (0)