Рекордчи какку 2 ойда 16 та мамлакат устидан учиб, Замбиядан Мўғулистонга етиб борди

20 март куни Онон лақабли какку Замбияда қишлаб, Кения, Саудия Арабистони, Бангладеш ва яна 12 та мамлакат устидан учиб ўтди. Онон ўз ватани Мўғулистонга 26 май куни 12 000 километр масофани ортда қолдириб, етиб келди, деб ёзади Esquire.

Какку Ҳинд океани устидан учаётганида кучли шамол уни шарққа олиб кетди. Ононнинг тезлиги соатига 60 километрни ташкил этди.

Сунъий йўлдош кузатув датчиклари олимларга каккуни кузатишга ёрдам берди. Дастлаб тажрибада бешта қуш иштирок этди, бироқ Ононнинг тўрт нафар шериги нобуд бўлгани тахмин қилинмоқда.

https://twitter.com/BirdingBeijing/status/1265103473009324032

Каккунинг саёҳати тарихдаги энг узоқ вақт давом этган кузатувлардан бири ҳисобланади.

«Менимча, асосий хулоса шундаки, қушлар шу қадар узоқ ва тез-тез саёҳат қилиши мумкин, чунки улар овқатланиш учун қулай шароитларни топа олади, шунингдек, қаерга боришни аниқ билади ва парвоз пайтида, масалан, Ҳинд океани устидан учиб ўтиш учун қулай шамол шароитларини ҳисобга олади», — дейди Британия орнитология фонди доктори Крис Ҳьюсон.