20-mart kuni Onon laqabli kakku Zambiyada qishlab, Keniya, Saudiya Arabistoni, Bangladesh va yana 12 ta mamlakat ustidan uchib o‘tdi. Onon o‘z vatani Mo‘g‘ulistonga 26-may kuni 12 000 kilometr masofani ortda qoldirib, yetib keldi, deb yozadi Esquire.
Kakku Hind okeani ustidan uchayotganida kuchli shamol uni sharqqa olib ketdi. Ononning tezligi soatiga 60 kilometrni tashkil etdi.
Sun’iy yo‘ldosh kuzatuv datchiklari olimlarga kakkuni kuzatishga yordam berdi. Dastlab tajribada beshta qush ishtirok etdi, biroq Ononning to‘rt nafar sherigi nobud bo‘lgani taxmin qilinmoqda.
ONON is over the Gobi Desert. He's encountered some strong winds that seem to have pushed him a little east but he's now <400km from Khurkh (green line), where we expect him to spend the summer. Almost there! https://t.co/SSuWCvIF1Z pic.twitter.com/5Bn4L7pjgJ
— Wild Beijing 北京自然 (@BirdingBeijing) May 26, 2020
Kakkuning sayohati tarixdagi eng uzoq vaqt davom etgan kuzatuvlardan biri hisoblanadi.
“Menimcha, asosiy xulosa shundaki, qushlar shu qadar uzoq va tez-tez sayohat qilishi mumkin, chunki ular ovqatlanish uchun qulay sharoitlarni topa oladi, shuningdek, qayerga borishni aniq biladi va parvoz paytida, masalan, Hind okeani ustidan uchib o‘tish uchun qulay shamol sharoitlarini hisobga oladi”, — deydi Britaniya ornitologiya fondi doktori Kris Hyuson.
Izoh (0)