Лондонда ортиқча вазндан азият чекаётган эркак олти ҳафта коронавирус билан оғриди. Бу вақтда у 32 килограммга озди, деб ёзади New York Post.
12 март куни 43 ёшли Ким Вай Лида коронавируснинг симптомлари кузатилди. У икки ҳафтани сунъий комда ўтказди. Касалхонага ётқизилгунига қадар эркакнинг бўйи 1,7 метр, вазни 95 килограмм эди. Уйига қайтганида эса унинг вазни 63,5 килограммга тушди. Эркакнинг кийимлари ўзига кенг келди.
«Мен ойнада ўзимни танимай қолдим. Шунча вазн ташлаганимда ҳайратда эдим», — дейди эркак.
Унинг рафиқаси ва икки фарзанди ҳам Лининг ўзгариб кетганидан ҳайрон эди.
Касалликдан кейинги дастлабки кунлар у ўзини жуда кучсиз ҳис қиларди. У мустақил равишда душ қабул қила олмасди, ҳатто ов қатини ҳам ея олмасди. Ҳозирда эса у ўзини жуда яхши ҳис этмоқда ва вазн камайиши билан ўзига берилган иккинчи имкониятнинг қадрига етмоқда.
Ли касалликнинг оғир кечишида семизликни айблайди. Касалхонага ётқизилгунига қадар у ортиқча вазн келтириб чиқарган юқори қон босимидан азият чекарди. Эндиликда эса бу муаммо ортда қолдирди.
«Мен шу вазнни ушлаб қолмоқчиман, аввал қон босимим ошиб, таблеткалар билан яшардим, энди эса у меъёри», — дейди эркак.
Ли коронавирус билан оғригани унга фойда келтирганини айтади.
Изоҳ (0)