Ифторликка яна бир қуймоқ рецепти

Қуймоқ (блинчик)ларга исталган «начинка» солиб пишириш мумкин. Қуйида арабча қуймоқ рецепти билан бўлишамиз.

Бунинг учун қуйидаги маҳсулотлар керак бўлади:

• Ун — 160 гр
• Сув — 125
• Сут — 250 мл
• Шакар — 1 ош қошиқ
• Хамиртуруш — 1 чой қошиқ
• Туз —​ таъбга кўра

«Начинка»​ учун:

• Қийма
• Помидор
• Пиёз
• Пишлоқ

Тайёрланиш жараёни:

• Илиқ сувга, шакар, туз ва хамиртуруш солиб аралаштирамиз ва 10-15 дақиқа тиндирамиз.
• Кейин сут ва эланган ун қўшамиз.
• Битта масса ҳолатига келгунча аралаштирамиз.
• Қиймани товада қовуринг, пиёз ва помидор қўшиб аралаштиринг.
• Қуруқ товага қуймоқнинг бир тарафини солиб пиширинг.
• Ёпишиб қолмасин десангиз озроқ сариёғ солинг.
• Ўртасига «начинка» солинг ва сомса сингари букинг.
• 180 даража қизиган печга 15-20 дақиқага қўйинг.

Ёқимли иштаҳа!

«Дарё»даги бошқа рецептлардан ҳам фойдаланинг.