Ифторлик учун лавашдан яна бир таом тайёрлаб, оила аъзоларингизни хурсанд қилинг. Аччиқни хуш кўрувчилар учун мазкур таомни чили соуси билан бирга дастурхонга тортиш тавсия қилинади.
- Пиёз — 1 дона
- Булғор қалампири — 1 дона
- Саримсоқ пиёз — 1 дона
- Товуқ гўшти қиймаси
- Лаваш хамири (альтернатив сифатида ўзингиз тайёрлаган, юпқа қилиб ёйилган хамирни ишлатишингиз мумкин) — 5 дона
- Ўсимлик ёғи — 2 ош қошиқ
- Чили қалампири
- Петрушка — таъбга кўра
- Помидор — таъбга кўра
- Сариёғ — 20 гр
- Ун — 35 гр
- Сут — 720 мл
- Туз, мурч — таъбга кўра
- Пишлоқ — 180 гр
- Биринчи бўлиб соус тайёрлаб олинг. Товада, сариёғга ун солиб озроқ қовуринг, кетидан сут солиб битта массага келтиринг, туз мурч ва қирғичдан чиқарилган пишлоқ қўшиб аралаштиринг.
- «Начинка» учун ишни пиёзни қовуришдан бошланг, булғор қалампири солинг ва қовуришда давом этинг.
- Саримсоқ пиёз ва товуқ қиймасини қўшиб аралаштиринг.
- Қийма пишганига амин бўлганингиздан кейин, тайёрланган соусни учдан икки қисмини қўшинг.
- Тайёр «начинка»ни хамир устига солиб, суратдагидек қилиб ўранг.
- Махсус идишга ўрамларни қўйиб, устидан соуснинг қолган бир қисмини суртиб чиқинг, кесилган, помидор кўкат ва қалампир билан безанг.
- 180 даража қизиган печда 20-25 дақиқа давомида пиширинг.
Ёқимли иштаҳа!
«Дарё»даги бошқа рецептлардан ҳам фойдаланинг.
Саҳарлик учун рецептлар:
Изоҳ (0)