Баҳор мавсуми турли салатлар тайёрлаш мумкин. Сабзавот ва фойдали маҳсулотлардан иборат мазали салатни кечки овқат ўрнига ҳам истеъмол қилиш мумкин. Тез тайёрланадиган ва мазаси оғизда эрийдиган салат тайёрлашни истаганлар учун грекча салат рецептини тақдим қиламиз.
Керакли маҳсулотлар:
- Бодринг – 5 дона
- Помидор – 3 дона
- Қизил пиёз – 1 дона
- Булғор қалампири – 2 дона
- Қора зайтун – 10-15 дона
- Пишлоқ – 100-150 грамм
- Саримсоқ пиёз — 1-2 дона
- Туз – 1 чой қошиқ
- Лимон шарбати – 1 ош қошиқ
- Зайтун мойи – 4 ош қошиқ (Ўсимлик ёғини ҳам ишлатиш мумкин)
- Мурч – таъбга кўра
- Қуритилган орегано – таъбга кўра
- Салат тайёрлашни бошлашдан олдин ҳамма маҳсулотларни ювиб, артиб тайёрлаб олиш керак.
- Бодрингни ярим думалоқ шаклда тўғранг.
- Помидорни ўртача қалинликда тўғранг.
- Қолган маҳсулотларни ҳам тўғранг.
- Янада ранг-баранг бўлиши учун булғор қалампирини сариқ ва қизил рангидан фойдаланинг, уларни тўртбурч шаклда тўғранг.
- Саримсоқни майдалаб, лимон шарбати, туз ва зайтун мойи, шунингдек, мурч, орегано қўшиб соус тайёрланг.
- Соусни тўғралган сабзавот ва маҳсулотларга қўшиб аралаштиринг ва салат тайёр.
Изоҳ (0)