COVID-19 коронавирус инфекцияси қурбонларининг сони «фожиавий кўрсаткич», яъни 5 минг нафардан ўтди. Бу ҳақда Жаҳон соғлиқни сақлаш ташкилоти бош директори Тедрос Адан Гебрейесус махсус брифингда маълум қилган.
South China Morning Post нашри хабарига кўра, 13 март ҳолати бўйича бутун дунёда 5096 нафар одам коронавирус келтириб чиқарган пневмония туфайли вафот этган, турли мамлакатлардаги коронавирус ҳақидаги маълумотларни умумлаштирувчи Worldometer порталида ушбу рақам 5122 нафарни ташкил қилади, Ҳопкинс университети эса қурбонларнинг 5088 нафар эканини хабар қилган.
ЖССТ раҳбарининг айтишича ташкилотдаги маълумотлар бўйича 13 март ҳолатига кўра, 123 та мамлакатда 132 минг нафардан кўпроқ одам коронавирус билан касалланган. Бу борада жуда оғир ҳолат Европада кузатилмоқда, дея қайд этган Гебрейесус.
«Европа энди COVID-19 коронавирусининг пандемияси тарқалган асосий майдонга айланди, қитъадаги ўлим кўрсаткичи Хитойдан ташқари дунёнинг бошқа қисмидаги ҳолатлардан анча даҳшатли. Айни кунларда Европада Хитойда касаллик тарқалиши ўз чўққисига чиққан вақтдагидан кўра кўпроқ касалланиш ҳолатлари кузатилмоқда», — дейди ЖССТ раҳбари.
Мавзуга доир:
Мавзуга доир: Хитойда коронавирус тарқалиши камаяётгани маълум қилинди
ЖССТ 11 март куни COVID-19 коронавирусининг тарқалиш даражаси эпидемиядан пандемия босқичига кўтарилганлигини эълон қилган.
Изоҳ (0)