Хитой Ташқи ишлар вакили Чжао Лицзянь коронавирусни Уханга америкалик ҳарбийлар олиб келган бўлиши мумкин, деган фикрда. Бу ҳақда «РИА Новости» хабар бермоқда.
«Очиқчасига айтинг! Ўзингизнинг маълумотларингизни эълон қилинг! АҚШ буни бизга тушунтириб бериши керак», — деб ёзган хитойлик дипломат ўзининг Twitter’ида.
2/2 CDC was caught on the spot. When did patient zero begin in US? How many people are infected? What are the names of the hospitals? It might be US army who brought the epidemic to Wuhan. Be transparent! Make public your data! US owe us an explanation! pic.twitter.com/vYNZRFPWo3
— Lijian Zhao 赵立坚 (@zlj517) March 12, 2020
У бу тахминни АҚШ касалликларни олдини олиш маркази раҳбари Роберт Редфилд Вакиллар палатасида сўзлаган нутқига асосланиб айтган. Роберт Редфилд ўз нутқида гриппдан вафот этган бир неча америкаликларнинг жасадлари текширилганда уларнинг танасида коронавирус топилганини айтган.
Шунингдек, Хитойда коронавирус билан касалланиш бўйича дастлабки ҳолат декабрь ойида эмас, 17 ноябрда аниқлангани маълум бўлган.
Хитой Ташқи ишлар вазирлигида бу маълумот тасдиқланмаган. Вазирлик вируснинг келиб чиқиши бўйича олимлар шуғулланиши лозимлигини таъкидлаган.
Бундан ташқари, олимлар ҳам касаллик ҳақидаги маълумотга ўзгартириш киритган. Улар Lancet тиббий журналида чоп этилган тадқиқотда коронавирус эпицентри ҳисобланган Ухань шаҳридаги касалхоналарга ётқизилган беморлар маълумотларини таҳлил қилган. Натижада, коронавирус инсон танасида 14 кундан ортиқ сақланиб қолиши, инфекцияга чалингандан кейин 5 ҳафтадан кўпроқ ёки 37 кун ушланиб қолиши аниқланди.
Изоҳ (0)