Қашқадарёнинг Чироқчи туманида мол ўғирлашда гумон қилинган 32 ёшли эркак ИИБ ходимлари томонидан калтакланиши оқибатида вафоти этган эди. Кейинроқ ИИБнинг бошқа ходимлари ушбу жиноятни яшириш мақсадида гувоҳларга босиб ўтказгани маълум бўлганди. Бош прокуратура матбуот хизмати зўравон ИИБ ходимларига қандай айблов эълон қилинганини очиқлади.
Хабар беришларича, Чироқчи тумани Ички ишлар органлари (ИИО) фаолиятини мувофиқлаштириш бўлими (ФМБ) ходимларига нисбатан Жиноят кодексининг 206-моддаси 1-қисми (Мансаб ваколати доирасидан четга чиқиш), 104-моддаси 3-қисми «д» банди (Жабрланувчининг ўлишига сабаб бўладиган даражада қасддан баданга шикаст етказиш) ва 235-моддаси 3-қисми (қийноққа солиш ва бошқа шафқатсиз, ғайриинсоний ёки қадр-қимматни камситувчи муомала ҳамда жазо турларини қўллаш) билан билан жиноят иши қўзғатилиб, тергов ҳаракатлари олиб борилмоқда.
Қайд этишларича, жиноят иши доирасида икки нафар ИИБ ходими қамоққа олинган.
Айни соатларда мазкур аянчли воқеа юзасидан Қашқадарё вилояти ИИБ биносида оммавий ахборот воситалари ходимлари учун махсус брифинг бўлиб ўтмоқда.
Мавзуга доир:
- Қашқадарёда мол ўғрилигида гумон қилинган эркак ИИБ ходимлари томонидан калтакланиши оқибатида вафот этгани айтилмоқда
- Чироқчида бир неча ИИБ ходими қамоққа олинди. Улар одам ўлдиришда гумон қилинмоқда
- «‘Участкавойъларингни қутқариб қолсаларинг, ургани йўқ десаларинг, рози қилади». Чироқчилик ИИБ ходимлари қотилликни яшириш учун гувоҳларнинг оғзини ёпишга уринган
Изоҳ (0)