Ўзбекистон Президенти Шавкат Мирзиёев 30 январь куни Ислом Каримов ҳайкали пойига гулчамбар қўйди. Бу ҳақда Президент матбуот хизмати хабар берди.
Президент Шавкат Мирзиёевнинг эътибори ва тегишли қарори билан Ўзбекистоннинг Биринчи Президенти Ислом Каримов хотираси абадийлаштирилди, ҳурмати жойига қўйилди. Биринчи Президент таваллуд топган 30 январь кунини нишонлаш эзгу анъанага айланди.
«Бу санани муносиб ўтказиш бизнинг ўз тарихимизга, мустақиллигимизга бўлган ҳурматимизни, халқ, миллат сифатидаги маданиятимиз ва савиямизни намоён этади» — деган эди Шавкат Мирзиёев.
Гул қўйиш маросимида Президент Администрацияси, парламент палаталари ва ҳукумат аъзолари, илм-фан ва маданият намоёндалари, зиёлилар, шаҳар жамоатчилиги иштирок этди.
Биринчи Президентнинг Самарқанд ва Қарши шаҳарларидаги ҳайкаллари пойига ҳам гуллар қўйилди.
Қуръони Каримдан тиловат қилинди. Ислом Каримовнинг серқирра фаолияти, олижаноб инсоний фазилатлари ёдга олинди.
Изоҳ (0)