Қарши ва Самарқанд шаҳарларида Ўзбекистоннинг Биринчи Президенти Ислом Каримов хотираси ёд этилиб, ҳайкали пойига гулчамбар қўйилди, деб хабар бермоқда «Дарё» мухбири.
Қаршида вилоят фаоллари ва жамоатчилик иштирок этган хотира тадбирида вилоят ҳокими Зоир Мирзаев иштирок этиб, Биринчи Президент ҳайкали пойига гул қўйди.
Самарқанд вилоятида ҳам ҳоким Эркинжон Турдимов бошчилигидаги вилоят фаоллари Ислом Каримов хотирасини ёд этди, Қуръон тиловат қилинди.
Бугун, 30 январь, Ўзбекистоннинг Биринчи Президенти Ислом Каримовнинг туғилган куни. Ислом Каримов ҳаёт бўлганида бугун 82 ёшга тўлган бўларди.
Вилоятлардаги таълим муассасалари, музейлар ва бошқа муассасаларда Ўзбекистон Республикаси Биринчи Президентининг ҳаёти ва серқирра фаолиятига бағишланган давра суҳбатлари, илмий-амалий анжуманлар ўтказилмоқда.
Эслатиб ўтамиз, Биринчи Президент хотирасини абадийлаштириш мақсадида пойтахтда, шунингдек, Самарқанд ва Қарши шаҳарларида ҳам Ислом Каримов ҳайкали ўрнатилган.
Изоҳ (0)