Буюк Британия Эрон ислом инқилоби муҳофизлари корпуси генерали Қосим Сулаймонийнинг ўлдирилиши туфайли Яқин Шарқ минтақасида Теҳрон ҳамда Вашингтон ўртасидаги кескинлик ошишда давом этса ва уруш бошланса, Эронга ҳаводан зарба йўллашга тайёрланмоқда. Бу ҳақда The Sun хабар берди.
Нашрнинг ёзишича, Лондон биринчи бўлиб зарба бермоқчи эмас, лекин конфликт чуқурлашишда давом этса, иттифоқдоши бўлган Американи қўллаб-қувватлашга тайёр. Бунда сувости флоти – «Эстьют» синфидаги кемалар, «Томагавк» қанотли ракеталари ишга тушади. Шундай ракеталар билан қуролланган сувости кемаларидан бири Эронга яқин ҳудудда бўлиб турибди, дея қайд этган нашр манбаси.
The Sun’нинг ёзишича, Сулаймоний ҳалок бўлган Ироққа ҳам қутқарув операциялари учун махсус ҳарбий бўлинмаларнинг олий тоифали жангчилари ташланган. Мамлакатда ироқлик кучишлатар тизим вакилларига ўқувлар ташкил этган 400 нафар британиялик ҳарбийга ҳам дипломатлар ва бошқа юқори лавозимдаги инглизларни ҳимоя қилиш буюрилган.
Бундан ташқари Лондондагилар Яқин Шарқда уруш бошланадиган бўлса, Ироқдаги ҳарбийларга энг янги ва кучли оғир артиллерия қуроллари юборилишини кўзда тутган. Бош вазир Борис Жонсон 12 кунлик таътилидан қайтиши билан унга ушбу таклиф киритилади.
Мавзуга доир:
Изоҳ (0)