АҚШ ҳарбий-денгиз кучлари Эрон генерали Қосим Сулаймонийни йўқ қилиш билан боғлиқ операциядан сўнг Марокаш билан қироллик соҳиллари яқинида ҳамкорликдаги ўқув машғулотларини бекор қилди. Бу ҳақда АҚШ ҳарбий-денгиз институти янгиликлар портали (USNI News) маълум қилди, дея хабар беради «РИА Новости».
Қўшма машғулотларда иштирок этиши керак бўлган кема ва ҳарбий хизматчилар Яқин Шарққа жўнатилади.
«Эрон билан кескинликнинг кучайиши фонида АҚШ ҲДК Марокаш билан машғулотларни бекор қилади. USS Bataan десант кемаси ва АҚШ денгиз пиёдалари 26-экспедицион батальони Яқин Шарққа жўнатилади», — дейилади хабарда.
Маълумот учун, CNN телеканали Пентагон вакилига таяниб, АҚШ Сулаймоний ўлдирилганидан сўнг Яқин Шарққа қўшимча 3 минг нафар ҳарбий хизматчини юборишини билдирганди.
Изоҳ (0)