Теҳрон Трампнинг Эроннинг 52 та объектига ҳужум қилиш имкониятига эга эканлигига шубҳа билан қарамоқда
Теҳрон АҚШ президенти Дональд Трампнинг агар Эрон Американинг база ёки ҳарбийларига ҳужум қилса, энг янги қурол билан бунга жавоб қайтариши ҳақидаги баёнотига муносабат билдирди. Бу ҳақда Эрон қуролли кучлари қўмондони Абдулраҳим Мусавий маълум қилган, деб ёзмоқда «РИА Новости».
«Келажакда бу борада низо келиб чиқса, лекин шахсан мен бундай бўлмайди, уларнинг бунга жасорати етмайди деб ҳисоблайман. Ўшанда 5 ва 2 рақамлари ортида қандай қасосга шама борлигини билиб оламиз,» — дея Трампнинг Эроннинг 52 та объектига зарба бериш ҳақидаги гапларига муносабат билдирган Мусавий.
Америка етакчисининг гапларига Эрон ТИВ раҳбари Муҳаммад Жавод Зариф ҳам жавоб қайтарган. Форслар ташқи ишлар вазирининг айтишича, АҚШ президенти «қўрқоқларча уюштирилган қотиллик» билан халқаро ҳуқуқ қоидаларини қўпол равишда бузган. Шунингдек, Трамп Эронда қизил чизиқлар деб аталадиган императив нормаларни ҳам бузиш билан таҳдид қилмоқда. Хусусан, Теҳрон Эроннинг тарихий ва маданий объектларига бериладиган зарбалар ҳарбий жиноятга тенг эканини билдирган.
АҚШ ҳамда Эрон ўртасидаги бу каби таҳдидлар алмашинуви 3 январь, жума куни Эрон ислом инқилоби муҳофизлари корпусининг обрўли «Ал-Қудс» махсус бўлинмаси генерали Қосим Сулаймонийнинг Америка Бағдод аэропортига берган ҳаво зарбаси оқибатида ўлдирилиши туфайли янада кескинлашди. Зарба юзасидан буйруқ шахсан Трамп томонидан берилган. Эроннинг БМТ қошидаги доимий вакили Мажид Тахт-Раванчий Сулаймонийнинг ўлими уруш эълон қилиш билан баробар эканлигини таъкидлаб, АҚШдан аёвсиз равишда қасос олинишини ваъда қилган.
Изоҳ (0)