Тунис бош вазири Юсуф Шаҳид бир ярим минг АҚШ долларидан кўпроқ маблағни, яъни бир ойлик иш ҳақини пойтахтнинг «Клуб Африкен» жамоаси ҳисоб рақамига ўтказди, деб ёзмоқда «Regnum».
Юсуф Шаҳид клуб ҳисоб рақамига бир ойлик маоши 4 600 тунис динорини хайрия қилган. Пуллар молиявий баҳсларни тартибга солиш мақсадида ташкил этилган фонд ҳисобига ўтган.
Фонд иқтисодий жиҳатдан қийинчиликларга дуч келган ва қарзга ботиб кетган клубнинг молиявий аҳволини яхшилаш мақсадида ташкил қилинганди.
Тунисда сентябрь ойида президентлик сайловлари ўтказилган. Уларда ҳеч қайси партия вакили бўлмаган мустақил номзод Каис Саид ғалаба қозонган. Сайловлардан кейин бош вазир Юсуф Шаҳид ташқи ишлар ҳамда мудофаа вазирларини истеъфога чиқарган.
Изоҳ (0)