АҚШ президенти Дональд Трамп Афғонистонга қилган махфий ташрифи вақтида ўз телефонидан фойдалана олмаган ва Twitter’га ҳам кирмаган, деб ёзмоқда «РИА Новости».
Трамп Америкада шукроналик куни муносабати билан Афғонистонга келган ва у ерда АҚШ ҳарбийлари билан учрашган.
«Мобил телефонлар, интернетга кириш ускуналари ва сигнал билан ишлайдиган бошқа қурилмалар «биринчи рақамли бортда»ги ҳамма йўловчилардан йиғиб олинган, — ҳа, ҳатто президент ҳам ушбу қоидага бўйсунган. Лекин администрация ходимлари масофадан туриб Twitter орқали Трампнинг саҳифасига маълумотлар жойлаштириб турган. Ушбу ҳаракат Трампни кузатаётган обуначилари ўтган йили кузатилганидек унинг твитлар ёзмаганидан хавотирга тушиб, шубҳага бормасликлари учун амалга оширилган»,— деб ёзган Politico нашри.
Трамп президентликка сайлангани ва раҳбарликка киришганидан кейин дастлабки кунларданоқ шахсий телефондан фойдаланишини билдириб махсус хизмат ва ОАВнинг хориж давлатлари разведка хизматлари уни кузатиши мумкинлиги ҳақидаги фикрларига қарамай ўз позициясида мустаҳкам турган. Ундан аввалги президент Барак Обамага махсус хизмат президентлик муддати якунига етаётган вақтлардагина телефондан фойдаланишни рухсат этган, қурилмада Wi-Fi ва геопозиция функциялари ўчириб қўйилганди.
Трамп ўзи ҳордиқ чиқараётган Флоридадан Вашингтонга яширин равишда олиб келинган ва у ердан Афғонистонга жўнаган. Барчани чалғитиш учун Трампнинг самолёти Флоридада қолдирилган, президент Вашингтондан ҳарбий-транспорт самолётида келган. Бу ердан Афғонистонга бошқа бир лайнерда олиб кетилган.
Мавзуга доир: Трамп кутилмаганда рафиқаси билан Афғонистонга келди
Изоҳ (0)