Бразилия президенти Жаир Болсонару Голливуд актёри Леонардо Ди Каприо Aмазония ўрмонларининг ёнишини уюштираётган нодавлат ташкилотларга ҳомийлик қилган деб ҳисобламоқда. Бу ҳақда Associated Press хабар берган.
Сиёсатчи гапларига исбот сифатида ушбу нодавлат ташкилотларнинг ўрмонлар ёнғинига алоқадорлиги ҳақидаги далилларни келтириб ўтган.
Аввалроқ бир нечта одам ўзлари ўрмонда ёнғин уюштириб, ушбу вазиятни суратга олиб, Бутунжаҳон ёввойи табиатни асраш фондидан (WWF) бу борада ёрдам, яъни маблағ сўрагани аниқланганди.
Норасмий хабарларга кўра нодавлат ташкилотларга Ди Карпио ҳисобидан 500 минг АҚШ доллари миқдоридаги маблағ ўтказиб берилган.
Мавзуга доир: Леонардо ди Каприо БМТ бош конференциясида нутқ сўзлаган 16 ёшли Грета Тунбергни мақтади
2019 йил давомида Бразилиядаги Aмазония ўрмонларида жами 72 мингта ёнғин кузатилди ва бу мамлакат тарихидаги рекорд натижа.
Леонардо Ди Каприо Aмазония ўрмонларини қутқариш учун 5 миллион доллар миқдорида маблағ ажратишни ваъда қилган. Францияда ўтган саммитда катта еттилик етакчилари Aмазония ўрмонларининг ёнишига қарши кураш учун 20 миллион долларлик махсус фонд таъсис этишни келишиб олган.
Бразилия президенти жорий йилнинг август ойида Aмазония ўрмонларини 40 минг ёнғин қамраб олган вақтда NNТларни ўт қўйишларда, серхавотир Европани эса мустамлакачиликда айблаганди.
Изоҳ (0)