«Челси» ва «Арсенал» клубларининг собиқ дарвозабони Петр Чех хоккейда дебют қилди.
Чехиялик собиқ футболчи Англиянинг «Гилфорд Феникс» ярим профессионал хоккей клубида фаолиятини бошлади. Чехия термасининг собиқ посбони «Суиндон Уайлд»га қарши баҳсда асосий дарвозабон сифатида музга тушган.
Ўйин давомида Чех дарвозасидан иккита шайба ўтказиб юборди, буллитлар сериясида эса ҳал қилувчи зарбани қайтариб, жамоасининг ғалабасига ўз ҳиссасини қўшди.
Чехнинг жамоаси 3:2 ҳисобида ғалаба қозонди, дарвозабон эса учрашувнинг энг яхши ўйинчиси номига лойиқ кўрилди.
«Болалигимда бир марта бўлса ҳам хоккей ўйинида иштирок этишни орзу қилардим. Ва бу амалга ошди. Ўйлашимча, бу ёш ўйинчиларга намуна бўлади: орзуйингни ортидан қувсанг, албатта, бирор нимага эришасан», — дейди Чех.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)