Футбол бўйича Ўзбекистон Кубогининг 2019 йилги финал учрашуви 26 октябрь санасида бўлиб ўтади, дея хабар қилмоқда ПФЛ расмий сайти.
Мусобақа финалига ОКМК ва «Пахтакор» клублари етиб келган. Мазкур жамоалар бир йил аввал ҳам ҳал қилувчи ўйинда иштирок этган ва якунда олмалиқликлар ўз тарихида илк бор кубок соҳибига айланганди.
Ўзбекистон футбол ассоциацияси кубок финалини «Локомотив» стадионида ўтказиш қарорига келди. Учрашув 17:00 да старт олади. Финал ўйини олдидан ҳар икки жамоа бош мураббийлари ҳамда клубларнинг етакчи футболчилари иштирокида матбуот анжумани ўтказилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)