Навоий шаҳрининг Гулбоғ кўчасида яшовчи 48 ёшли Ж.П. исмли аёл 19 июль куни ИИБга мурожаат қилиб, унинг 12 ёшли қизининг соғлиғини тиклаш учун тўпланаётган пулни номаълум шахс ўғирлаб олганини маълум қилган. Бу ҳақда ИИВ хабар бермоқда.
Маълум бўлишича, жабрланувчининг қизи Г.А.нинг соғлиғини тиклаш учун моддий ёрдам кераклиги тўғрисида Telegram’даги «Бемор болажон» каналига эълон берилган.
3 июлдан 4 июлга қадар бўлган вақт оралиғида номаълум шахс +99890-362-**-** телефон рақамидан эълон бўйича Ж.П.га қўнғироқ қилган ва қизнинг соғлиғини тиклаш учун ўз ҳисобидан пул маблағларини ҳайрия қилмоқчилигини айтган.
«У алдов йўли билан аёлнинг ишончига кирган ва ундан пластик картаси махфий кодини олиб, унинг картасидан 6 090 300 сўм пулни ечиб олган», — дейилади ИИВ ахборотида. Ҳолат юзасидан жиноят иши қўзғатилган эди.
Қайд этишларича, кўрилган чоралар натижасида ушбу жиноятни Фарғона вилояти Қўқон шаҳар Навоий кўчасида яшовчи 20 ёшли Б.М. содир этганлиги аниқланиб, ушланган. Тергов ҳаракатлари давом этмоқда.
Изоҳ (0)