Олий Мажлис Сенати 24 август, шанба куни 21-ялпи мажлисда Ўзбекистон Марказий сайлов комиссиясининг янги аъзоларини сайлади, дея хабар бермоқда «Gazeta.uz».
Қуйидагилар МСКнинг янги аъзолари бўлди:
- «Ҳунарманд» уюшмасининг Сурхондарё вилоят бошқармаси бошлиғи Муҳайё Жўраева;
- Молия вазирлиги Давлат молиявий назорат департаменти бўлим бошлиғи ўринбосари Адҳам Ибодуллаев;
- Жаҳон иқтисодиёти ва дипломатия университетининг илм-фан ва инновация бўйича проректори Гулноза Исмоилова;
- Наманган давлат университетининг ёшлар билан ишлаш бўйича проректори Алишер Исоқбоев;
- Бухоро вилоят тиббий диагностика маркази директори Ирода Кенжаева;
- Фарғона вилояти касаба уюшмалари ташкилотлари бирлашмаси кенгаш аппарати юридик бўлими мудири Орзигул Қозихонова;
- Журналистика ва оммавий коммуникациялар университети ректори, Халқаро пресс-клуб раиси Шерзодхон Қудратхўжаев;
- Адлия вазирлиги ҳузуридаги Юристлар малакасини ошириш маркази директорининг ўқув-методик ва илмий ишлар бўйича биринчи ўринбосари Худоёр Маматов;
- Андижон вилоят ҳокимиятининг ташкилий-назорат гуруҳи бош мутахассиси Баҳодиржон Юнусов.
Эслатиб ўтамиз, 2019 йилнинг декабрида Ўзбекистон парламенти ва маҳаллий вакиллик органларига сайловлар бўлиб ўтади.
Изоҳ (0)