Мустақиллик байрамини кўнгилдагидек, тинч-осуда ўтишини таъминлаш учун эса Ўзбекистон Ички ишлар вазирлиги ва унинг қуйи тизимлари томонидан байрамолди тадбирлари ташкил этилиб, алоҳида ҳозирлик кўрилмоқда, дея хабар бермоқда ИИВ матбуот хизмати.
24 август куни Тошкентдаги «Миллий» стадионда Мустақиллик байрами олдидан ИИВнинг Марказий аппарати ходимларининг хизматга шайлигини аниқлаш мақсадида саф кўриги ўтказилди.
Унда соҳавий хизмат ходимлари саф тотганча ИИВ Алоҳида намунали-кўргазмали оркестри томонидан чалинган жанговор куйлар садоси остида саф юришларини ўтказиб, уларнинг ташқи кўриниши, байрам давомида уларга зарур бўладиган буюмлар ва жанговор шайлик яна бир бор текширилди.
«Мазкур тадбирда энг аввало халқ манфаати йўлида адолатли хизмат олиб бориш, жамоат тартибини сақлаш ва йўл-ҳаракати хавфсизлигини таъминлашга янада юксак эътибор қаратиш лозимлиги қайд этилди», — дейилади ИИВ Жамоатчилик ва ОАВ билан алоқалар бошқармаси ахборотида.
Изоҳ (0)