«Шарқ тароналари» ва мустақиллик байрами муносабати билан Самарқанддаги бир қатор кўчалар ёпилади

Самарқанд шаҳрида «Шарқ тароналари» XII халқаро мусиқа фестивали ҳамда Ўзбекистон мустақиллигининг 28 йиллик байрами тадбирлари ўтказилиши режалаштирилаётган «Регистон» майдони, Алишер Навоий номли марказий истироҳат боғи ва «Мўъжиза» амфитеатри, «Ёшлик» истироҳат боғи атрофидаги кўчаларда вақтинчалик ҳаракат тўхтатилади. Бу ҳақда «Дарё»га Самарқанд вилояти ИИБ ЙҲХБ матбуот хизмати маълум қилди.

Байрам муносабати билан қуйидаги кўчалар ёпилади:

– Регистон кўчаси, Университет хиёбонидан Ғиждувон кўчаси туташмасигача;

– Даҳбет кўчаси, Регистон кўчаси чорраҳасидан Имом ал Бухорий кўчаси туташмасигача;

– Кулолон кўчаси, Регистон кўчаси чорраҳасидан Термиз кўчаси туташмасигача;

– Боғимайдон кўчаси, Даҳбет кўчаси чорраҳасидан Кўшҳовуз кўчаси чорраҳасигача;

– А.Жомий кўчаси, А.Темур кўчаси чорраҳасидан Университет хиёбони кўчаси чорраҳасигача;

– Университет хиёбони кўчасининг ўнг томони Шоҳрух кўчаси билан кесишган чорраҳасидан О.Маҳмудов кўчаси чорраҳасигача;

– Б.Мирзо кўчасининг О.Маҳмудов кўчаси билан кесишган чорраҳасидан А.Жомий кўчаси туташмасигача;

– А.Темур кўчасининг Шоҳрух кўчаси билан кесишган чорраҳасидан А.Жомий кўчаси чорраҳасигача;

– Шоҳрух кўчасининг А.Темур кўчаси билан кесишган чорраҳасидан Университет хиёбони кўчаси чорраҳасигача;

– Беруний кўчасининг Қозизода Румий кўчаси билан кесишган чорраҳасидан Рудакий кўчаси чорраҳасигача бўлган қисмида Поворот-Вокзал йўналиши бўйича;

– Беруний кўчасидан «Ёшлик» истироҳат боғига кирадиган 2 та тор кўчада жорий йилнинг 26–31 август кунлари фестиваль тадбирлари ва байрам тантаналари бўлиб ўтадиган вақтларда транспорт воситаларининг ҳаракати вақтинча тақиқланади.