Нигериянинг жануби-ғарбий қисмида жойлашган Ондо штатидаги банк ўмарилган вақтда камида етти киши ҳалок бўлди, дея хабар беради «Корреспондент.net».
Гувоҳларнинг сўзларига кўра, қуролли жиноятчилар вақти-вақти билан ўт очган ҳолда банкка кирган. Улар камида етти кишини, жумладан, банк ходимлари, ташриф буюрувчилар ва бир полициячини ўлдирган.
Ўғрилар катта миқдордаги пулни ўмариб, хавфсизлик кучлари келишидан олдин қочиб кетган. Ўғирланган пулларнинг миқдори ошкор қилинмаган.
Қайд этилишича, ўғрилар банкка автомобилда келиб, у ерга кириш учун портловчи моддадан фойдаланган.
Изоҳ (0)