Nigeriyaning janubi-g‘arbiy qismida joylashgan Ondo shtatidagi bank o‘marilgan vaqtda kamida yetti kishi halok bo‘ldi, deya xabar beradi “Korrespondent.net”.
Guvohlarning so‘zlariga ko‘ra, qurolli jinoyatchilar vaqti-vaqti bilan o‘t ochgan holda bankka kirgan. Ular kamida yetti kishini, jumladan, bank xodimlari, tashrif buyuruvchilar va bir politsiyachini o‘ldirgan.
O‘g‘rilar katta miqdordagi pulni o‘marib, xavfsizlik kuchlari kelishidan oldin qochib ketgan. O‘g‘irlangan pullarning miqdori oshkor qilinmagan.
Qayd etilishicha, o‘g‘rilar bankka avtomobilda kelib, u yerga kirish uchun portlovchi moddadan foydalangan.
Izoh (0)