Ўтган йили дунё бўйича меҳнат муҳожирлари ўз юртларига 689 миллиард доллар жўнатган. 2017 йилда бу кўрсаткич 633 миллиард долларни ташкил этганди, дея хабар беради «Корреспондент.net».
Жаҳон банки экспертларига кўра, мазкур ўсиш биринчи галда АҚШда иқтисодий вазият яхшилангани ва бандлик кўрсаткичлари ошгани билан боғлиқ. Шунингдек, Форс кўрфази давлатлари ва Россиядан ўтказмалар ҳажмлари ҳам тикланган.
Польша, Россия, Испания ва АҚШ Европа ҳамда Марказий Осиёдаги кам ва ўрта даромадли давлатларга ўтказмаларнинг асосий манбаларига айлангани билдирилмоқда. Жумладан, Украинага меҳнат муҳожирларидан ўтказмалар сони рекорд сумма — 14 миллиард долларни ташкил этди.
Иқтисодиётида ўтказмалар муҳим ўрин тутадиган Ўзбекистон, Тожикистон ва Қирғизистон Россияда иқтисодий фаоллик тикланганидан унумли фойдаланди.
Изоҳ (0)