Россияда Истиқболли технологияларни ривожлантириш маркази (ИTРМ) маҳсулотларни маркировка қилиш бўйича давлат тизимининг расмий оператори мақомига эга бўлди, деб ёзади «ТАСС». Ҳукумат раҳбари Дмитрий Медведевнинг тегишли фармойиши эълон қилинди.
2017 йилда ташкил қилинган ИTРМнинг 50 фоизи Алишер Усмоновнинг USM Holdings холдингига, 25 фоизи — «Ростех» давлат корпорациясига, қолган 25 фоизи эса Almaz Capital’нинг бошқарувчи шериги Александр Галицкийга тегишли.
Аввалроқ ИTРМ турли соҳалардаги маркировка бўйича синов лойиҳалари оператори ҳисобланар эди, 2019 йил 1 июндан мўйнани маркировка қилиш тизими операторига айланиши керак.
2019 йилда Россия ҳукумати атирлар, шина ва покришкалар, чойшаблар, фотокамералар ва баъзи турдаги кийимларга нисбатан мажбурий маркировкани жорий қилмоқчи, 2024 йилга келиб, маркировка барча тоифадаги маҳсулотлар учун амал қилади.
Изоҳ (0)