ЖАР собиқ президенти Жейкоб Зума Муаммар Каддафи пулларини ўзлаштирганликда гумонланмоқда, деб хабар берди «ТАСС».
Хабарда айтилиишича, 2011 йилда Ливия раҳбари ўлимидан аввал Зумага 30 миллион доллар миқдорида нақд пул берган. Пуллар узоқ вақт давомида унинг Нкандлдаги шахсий қароргоҳида сақланган. Яқин кунларда эса Свазиленд Қироллигига олиб кетилган.
Қайд этилишича, ЖАР президенти Каддафи билан учрашган сўнгги давлат раҳбари бўлган. Бу пайт фуқаролар уруши ва хорижий интервенция айни кучайган бўлиб, унинг давлат тузуми тақдири олдиндан белгилаб бўлинган эди. Зума ўз давлатидан бошпана беришини айтиб Каддафига Ливияни тарк этишни таклиф қилиш учун келган.
Каддафи ўз мамлакатида ўлишини айтиб, бу таклифдан воз кечган. «Агари мени тутиб олиб, Халқаро жиноят судига беришса, менга яхши адвокат топиб бер», деб Зумага пул берган. Агар у ҳалок бўлса, Зума бу пулларни Каддафининг оиласига бериши керак бўлган.
Кейинчалик эса, бу пуллар қайтарилмасдан, Зуманинг шахсий қароргоҳида қолаверган.
ЖАР Ташқи ишлар вазири Линдиве Сисулу шу вақт давомида давлат расмийларидан биринчи бўлиб бунга муносабат билдирган ва агар ливияликлар мурожаат билан чиқса, текширув ишлари амалга оширилишини айтган.
Изоҳ (0)