Президентнинг 2018 йил 5 ноябрдаги қарорига мувофиқ Сарвархон Бузрукхонов Олий ва ўрта махсус таълим вазирининг ўринбосари этиб тайинланди. Бу ҳақда вазирлик ахборот хизмати маълум қилди.
Сарвархон Бузрукхонов 1969 йилда туғилган, маълумоти олий, 1993 йилда Тошкент молия институтини тамомлаган. Иқтисод фанлари номзоди, доцент.
У ушбу вазифага тайинланишидан олдин вазирликнинг Молиялаштириш ва бухгалтерия ҳисоби бошқармаси бошлиғи лавозимида фаолият кўрсатган.
Изоҳ (0)