Шаҳрисабзда Халқ банкига маст ҳолатда кириб, жанжал қилган фуқаро қўлга олинди. Бу ҳақда «Дарё»га Ички ишлар вазирлиги матбуот хизмати хабар берди.
Ҳодиса 2 октябрь куни тахминан 18:10 да юз берди. Шаҳрисабз шаҳар Халқ банкига Н. исмли фуқаро спиртли ичимлик истеъмол қилиб кирди.
Банкда хизмат олиб бораётган Шаҳрисабз шаҳар Ички ишлар бошқармаси Туманлараро қўриқлаш бўлими ходимлари қонуний талабларига бўйсунмасдан жанжал қилди. Ножўя ҳаракатлар қилаётган вақтида ходимлар томонидан ушланиб, қўриқлаш бўлими техник қўриқлаш пункти ходимларига топширилди. Сўнгра шаҳар Ички ишлар бўлими навбатчилик қисмига олиб борилди.
Ҳозирда мазкур ҳолат юзасидан суриштирув ишлари олиб борилмоқда.
Изоҳ (0)