Тошкентда октябрь ойида Москва кунлари бўлиб ўтади. Бу ҳақда «Podrobno.uz» хабар бермоқда.
Тошкент шаҳар ҳокимлиги делегацияси Москва мэрияси ва ҳукуматида ўтказган музокаралар давомида шу ва бошқа келишувларга эришилди.
«Томонлар йўл-транспорт тизимини бошқариш, коммунал хўжалик, соғлиқни сақлаш соҳаларидаги лойиҳалар бўйича ҳамкорлик, шунингдек, жорий йил октябрь ойида Тошкентда ’Москва кунлариъни ўтказиш масалаларини муҳокама қилди», дейилади шаҳар ҳокимлиги матбуот хизмати хабарида.
Делегация таркибида келган тадбиркорлар Россия пойтахтига тайёр тўқиммачилик маҳсулотларини етказиб бериш бўйича қатор экспорт шартномаларини имзолади.
Изоҳ (0)