Ядро қуролининг қўлланилиши «ядро қиши» ёки «ядро кузи»ни келтириб чиқармаслиги ва инсониятни йўқ қилиб юбормаслиги учун ядро қуролига эга бўлган мамлакатлар 100 тадан ортиқ жанговар каллакка эга бўлмаслиги керак. Бу ҳақда, Safety журналига таяниб, «РИА Новости» хабар берди.
100 та ядро каллагига эга бўлган мамлакатлар бир-бирини тийиб туриш потенциалини йўқотмайди, бироқ бунда «ядро кузи» кириб келишининг ва ўз фуқаролари оммавий ҳалокатининг олдини олган бўлади. Таъкидланишича, агар АҚШ ўзида мавжуд бўлган 1000 та каллакдан фойдаланганда ва потенциал душман жавоб қайтармаганда, террорчилар томонидан 2001 йил 11 сентябрда ўлдирилганидан кўра 50 марта кўп америкаликни ўлдирган бўларди.
Бугунги кунда дунёда ядро қуролига эга тўққизта мамлакат бор. Улардан бештаси 1968 йилдаги Ядро қуролини тарқатмаслик тўғрисидаги келишувни имзолаган «расмий» давлатлар бўлса, тўрттаси бундай қуролга эга эканлигини бевосита ёки билвосита маълум қилган «режим бузғунчилари» ҳисобланади. «Расмий» мамлакатлар қаторига АҚШ, Россия, Франция, Буюк Британия ва Хитой киради. Иккинчи гуруҳдан эса Ҳиндистон, Покистон ва КХДР юқоридаги келишувни «очиқчасига» бузувчилар сифатида, Исроил эса ўзининг «ядровий ношаффофлиги» билан киради.
Совуқ уруш ва маҳаллий низолар йилларида юқоридаги барча мамлакатлар ядро зарядларининг улкан захирасини тўплади — авиацион бомбалар ва бошқа портлатувчи қурилмаларга мўлжалланган тахминан 15 мингта ядровий каллак мавжуд. Олимларнинг жорий ҳисоб-китобига кўра, бундай захиралар Ер юзидаги бутун ҳаётни бир неча ўн марта йўқ қилиб юборишга етади.
Изоҳ (0)