20 апрель куни ишга туширилган «Менинг фикрим» жамоавий мурожаатлар порталида дастлабки онлайн-петициялар пайдо бўлди. Фуқаролар портал ёрдамида парламент палаталари ва маҳаллий (вилоят, туман ва шаҳар) халқ депутатлари кенгашига мурожаат йўллашлари, шунингдек, қонунчиликни такомиллаштириш бўйича таклифлар киритишлари мумкин, деб хабар беради «Газета.uz».
Айни вақтда порталга тўртта мурожаат жойлаштирилган:
- Мактабларда ўқувчилардан, уларнинг ота-оналаридан пул йиғиш ҳолатларига барҳам бериш ва бунга йўл қўйган шахсларга жавобгарлик белгилаш лозим;
- Бозорлар ҳисобидаги дўкон ва расталарни онлайн ижарага бериш ва электрон ҳисобга олиш тизимини жорий этиш лозим;
- Темир йўл вокзалларига кириб-чиқишни эркинлаштириш лозим;
- Аёллар ва эркаклар учун никоҳ ёшини бир хил этиб (18 ёш) белгилаш лозим (ҳозирда ушбу кўрсаткич эркакларда — 18, аёлларда — 17 ёшни ташкил этади).
Овоз бериш жараёни петиция эълон қилинган кундан бошлаб 90 кун ичида бўлиб ўтади. Мурожаат Олий Мажлис томонидан кўриб чиқилиши учун у камида 10 мингта овоз тўплаши керак. Қорақалпоғистон Республикаси Жўқорғи Кенгеси, вилоятлар ва Тошкент шаҳар халқ депутатлари кенгаши кўриб чиқиши учун эса — камида 5000 овоз, туман ва шаҳар кенгашлари учун — камида 1000 та овоз тўпланиши керак.
Изоҳ (0)