13 апрель куни Сирдарё вилояти Сайхунобод туманида Ўзбекистон Президенти Шавкат Мирзиёев раислигида фаоллар йиғилиши бўлиб ўтди. «Ўзбекистон 24» телеканали ахборотига кўра, йиғилишда Президент видеоконференс-алоқа воситасида вилоятнинг ҳар бир тумани вакиллари билан мулоқотда бўлган.
Мавзуга доир: Шавкат Мирзиёев: Инсоннинг хато қилишга ҳақи бор (видео)
Ассалому алайкум, муҳтарам Президент! Мен Мирзаобод тумани, «Агропилла» масъулияти чекланган жамияти агрономи Башорат Қодирова бўламан.Ушбу ташаккурномага жавобан Президент пиллачилик соҳасида ҳали кўп ўзгаришлар бўлишини, пилла етиштириш билан шуғулланаётган фуқаролар даромадлари ошишини таъкидлаб ўтди.Сиз пиллачиликка жуда катта эътибор бердингиз. Сиз бир ой пилла боқиб, бир йиллик меҳнат стажига эга бўлиш имтиёзини яратдингиз. Бунинг натижасида пилла боққан аёлларимизга пенсия таъминотида имтиёз бердингиз. Бунинг устига 2023 йил 1 январгача даромад солиғидан озод қилдингиз.
Мирзачўлнинг меҳнатсевар аёллари сизнинг мана шу қилаётган ишларингизга минг бора раҳмат айтиб, шукрона келтирмоқда.
Башорат Қодирова, мирзаободлик агроном
Раҳмат! Бизда охирги йиллари пилла масаласи анча оқсоқ, манфаатсиз бўлиб қолган десак, бу ҳам адолатдан бўлади. Шунинг учун ҳамма қабул қилган қарорларимизнинг тагида бир нарса бор — касаначилик билан шуғулланиш, уйда туриб даромад топишнинг бир манбаи нуқтаи назаридан пиллачиликда ҳозир қилган ишларимиз олдиндаги жуда катта ишларимизнинг бошланиши.Бугун ҳам пилла масаласи бўйича гаплашдик. Аёлларимизнинг қилган машаққатли меҳнатини жаҳон бозорига чиқариш бўйича жуда катта чора-тадбирлар кўряпмиз. Сизларнинг садоқатли меҳнатларинг самараси ўлароқ, мана, Мирзачўлда, Сирдарёда шундай юқори кайфият, мана шундай шижоат.
Аёлни, онани рози қилсак, эртага ҳамма ишларимиз яхши бўлади. Мактабгача таълим тизимида қилинаётган ҳамма ишлар ҳам аёлларни рози қилиш учун. Аёлнинг меҳнатини енгил қилишни ҳамма ҳам тушунавермайди. Шунинг учун, бу соҳада меҳнат қилаётганингиз учун сизга таъзим ва раҳмат.
Лекин бир нарсани билинг — биз пиллачилик соҳасида ҳар йили даромадни ҳам кўпайтириб борамиз, шароитни ҳам ўзгартириб борамиз. Худо хоҳласа, пилла ҳам мана шу туманда рақобат нуқтаи назаридан бир марта эмас, ривожланган давлатларга ўхшаб бир йилда уч марта даромад оладиган бўлади. Албатта, шу кунларга келамиз.
Шавкат Мирзиёев, Ўзбекистон Президенти
Изоҳ (0)