Давлат статистика қўмитаси томонидан 2018 йилнинг январь – марти учун ялпи ички маҳсулотни (кейинги ўринларда ЯИМ) дастлабки баҳолаш амалга оширилди. Бу ҳақда қўмита ахборот хизмати хабар бермоқда.
Дастлабки маълумотларга кўра, 2018 йилнинг январь – мартида Ўзбекистон Республикаси ЯИМ ҳажми жорий нархларда 64 958,0 миллиард сўмни ташкил этди ва ўтган йилнинг мос даври билан таққослаганда 5,1 фоизга ўсди. ЯИМ дефлятори индекси 2017 йилнинг январь – мартидаги нархларга нисбатан 137,4 фоизни ташкил этди.
Аҳоли жон бошига ҳисобланган ЯИМ 1 986 минг сўмни ташкил этди ва бу кўрсаткич ўтган йилнинг мос даврига нисбатан 3,3 фоизга юқоридир.
2018 йилнинг январь – мартида иқтисодий фаолият турлари бўйича ЯИМ ни ишлаб чиқариш қуйидаги маълумотлар билан ифодаланади:
Иқтисодий ўсиш суръати миллий иқтисодиётнинг асосий тармоқларида кузатилган ижобий ўсиш суръатлари билан боғлиқдир. Иқтисодиётнинг барча тармоқларида яратилган ялпи қўшилган қиймат (кейинги ўринларда ЯҚҚ) ҳажми ЯИМ умумий ҳажмининг 83,8 фоизини ташкил этди ва 5,0 фоизга ўсди (ЯИМ мутлақ ўсишига таъсири 4,4 фоиз пунктни ташкил этди). Маҳсулотларга соф солиқларнинг ЯИМ таркибидаги улуши 16,2 фоизни ташкил этди ва 5,3 фоиз даражасида ўсиш қайд этилди.
ЯИМ ўсиш суръатига хизматлар соҳаси энг катта таъсир кўрсатди ва бу соҳа ўтган йилнинг январь мартига нисбатан 4,4 фоизга ўсди. Жумладан, савдо, яшаш ва овқатланиш бўйича хизматлар 1,1 фоизга, ташиш ва сақлаш, ахборот ва алоқа – 7,1 фоизга ва бошқа хизматлар - 4,6 фоизга ўсди.
Саноат тармоғининг қўшилган қийматида 5,0 фоизлик ўсиш қайд этилди. Саноат ишлаб чиқаришининг ЯИМ мутлақ ўсиш суръатига ижобий таъсири 1,3 ф.п. даражасида баҳоланди.
Изоҳ (0)