Вазирлар Маҳкамаси қарори билан «Битимларни нотариал тасдиқлаш тартибини идоралараро электрон ҳамкорликни қўллаган ҳолда такомиллаштириш чора-тадбирлари тўғрисида» 2017 йил 27 февралдаги қарорга қўшимчалар киритилди, деб ёзади Norma.
Давлат нотариал идоралари нотариуслари томонидан идоралараро электрон ҳамкорликни қўллаган ҳолда кўчмас мулкнинг олди-сотди, айирбошлаш ва ҳадя қилиш битимларини тасдиқлаш Тошкент шаҳрида 2017 йил 1 июлдан бошлаб амалга оширилмоқда, бутун республика бўйлаб эса жорий йилнинг 1 июлидан бошланади.
Пойтахтда солиқлар, коммунал хизматлар ва электр энергия бўйича қарздорлик йўқлиги бўйича текширув автоматик тарзда амалга оширилмоқда. Яъни ушбу маълумотларни фуқаролар томонидан қоғоз кўринишида йиғиш амалиётига чек қўйилди. Бунинг ўрнига эса ушбу маълумотларни нотариуслар идоралараро электрон ҳамкорлик тизими орқали аниқ вақт режимида мустақил олади.
Ҳужжатга мувофиқ, Ўзбекистон Республикасининг барча ҳудудида (Тошкент шаҳри бундан мустасно) идоралараро электрон тарзда ҳамкорлик қилиш тизими орқали қарздорликни аниқлаш электр ва газ таъминоти бўйича 2019 йил 1 январдан, иссиқлик таъминоти, сув таъминоти ва оқова сувларни чиқариш хизматлари бўйича 2021 йил 1 январдан бошлаб амалга оширилади.
Қорақалпоғистон Республикаси ва республика вилоятларида ҳам шу санадан идоралараро электрон тарзда ҳамкорлик қилиш тизими орқали қарздорлик ҳақидаги маълумотларни юбориш таъминланади.
Изоҳ (0)