Ўзбекистон Президенти Шавкат Мирзиёев раислигида 13 апрель куни Сирдарё вилояти Сайхунобод туманида фаоллар йиғилиши бўлиб ўтди. Йиғилишда Президент вилоятнинг ҳар бир тумани вакиллари билан видеоконференс-алоқа орқали мулоқот қилди.
Йиғилишдан репортаж «Ўзбекистон 24» телеканали орқали намойиш этилди. Унда Сардоба туманидан сўз олган иккинчи вакил Президент сиёсатини олқишлаб, унга туман аҳли номидан миннатдорчилик билдирганига гувоҳи бўлиш мумкин.Ассалому алайкум, Шавкат Миромонович! Мен — меҳнат фахрийси Отабек Эгамбердиевман. Сиз олиб бораётган ишларнинг қамровини гапириш учун менга бир соат ҳам камлик қилади. Энг асосий бир масалани айтмоқчиман — «Қўшнинг тинч, сен тинч» қабилида Тожикистон, Қирғизистон каби қўшни давлатлар билан жуда катта ишлар олиб бордингиз. Бизда қирғиз, тожик миллатига мансуб аҳоли жуда кўп. Шу халқлар номидан, ўз номимиздан ҳам миннатдорчилик билдираман. Сизни нуронийлар номидан дуо қилиб қоламиз.Оқсоқолнинг илиқ сўзларидан мамнун бўлган Шавкат Мирзиёев Сирдарё вилоятига уюштирадиган кейинги ташрифи давомида Сардоба туманига боришга ҳам ваъда берди.Мен «Ўзбекистон 24» телеканалини кўрмай бирор жойга кетмайман ё ухламайман — олдин сизни кўриб оламан. «Ўзбекистон 24» сизни бир кун кўрмасам, сизни соғиниб қоламан, Шавкат Миромонович! Мана шунга ўрганганмиз, шунинг учун сиз бажараётган ишлар кўламини бола-чақаларимиз, фарзандларимизга айтамизки, Шавкат Миромонович шундай шижоат билан ишлаганида мингдан бирича бўлса ҳам ишланглар, меҳнат қилинглар деб ёшларимизни меҳнатга, тадбиркорликка тарғиб қиламиз.
Сизни Аллоҳ доимо ўз паноҳида асрашини сўраб дуо қиламиз. Биз нуронийлар сизга елкадош бўлиб, ёшларимизни тарбиялашда, тинчликнинг олий неъмат эканини тарғиб қилишда ҳеч қачон чарчамаймиз. Халқимизнинг хурсандчилиги, розилигини сизга етказишдан мамнунман. Раҳмат!
Отабек Эгамбердиев, сардобалик меҳнат фахрийси
Катта раҳмат! Мана шундай шукроналик, мана шундай бир барака билан айтган гапларингиз мен учун жуда катта далда. Ёшларга айтган гапларингизга мен учун жуда катта қудрат.Сардоба туманининг оғир шароитини мен жуда яхши биламан. Институтда ўқиш, ишлаш билан ўтган ёшлик вақтларимни 100 фоиз деб олсак, шунинг 70 фоизи Сардоба туманида ўтган ўзи. Ҳар бир кўчаси, ҳар бир хўжалигини жуда яхши биламан. Сардоба кўп миллатли эл экани ҳам биламан.
Келгуси ташрифимда албатта Сардоба туманига бораман. Илойим, сизга ўхшаган нуронийларнинг мана шундай пок ниятлари, дуолари ижобат бўлиб, элимиз тинч бўлсин, осмонимиз мусаффо бўлсин.
Ислом нурли дин эканини инобатга олиб, дунё ҳамжамиятига катта ташаббуслар билан чиқаётганимиз бежиз эмас. Адашган укаларимизнинг ҳам бугун чиқиб айтган гаплари бу сизлар — нуронийларнинг ҳам ижобий таъсиридир. Илойим, юртимизда мана шундай ҳамжиҳатликка кўз тегмасин!
Шавкат Мирзиёев, Ўзбекистон Президенти
Мавзуга доир: Шавкат Мирзиёев: Инсоннинг хато қилишга ҳақи бор (видео)
Изоҳ (0)