Сирдарё вилоятининг Сайхунобод туманида 13 апрель куни Ўзбекистон Президент Шавкат Мирзиёев раислигида фаоллар йиғилиши бўлиб ўтди. Йиғилишда Президент видеоконференс-алоқа орқали Сирдарё вилояти туманлари вакиллари мурожаатлари билан танишди.
Мавзуга доир: Шавкат Мирзиёев — сирдарёлик отахонга: Сизни бу йил оилангиз билан менинг ҳисобимдан Ҳажга жўнатамиз (видео)
Ассалому алайкум, муҳтарам Президент! Мен Элёржон Исомов, якка тартибдаги тадбиркорман. Муҳтарам Президент, мен ва менинг оилам сиздан бир умрга миннатдормиз. Миннатдорчилигимизнинг сабаби — 2012 йили дин тўғрисидаги тушунчам саёзлиги сабабли, айрим салбий оқимларга қўшилиб қолган эдим. Мен бундан мингдан-минг пушаймонман. Сизнинг қарорингиз ва ташаббусингиз билан 2017 йили менга қўйилган қора тамғадан буткул озод бўлдим. Менга берилган бундай имкониятлардан мазмунли фойдаланиш мақсадида тадбиркорликни йўлга қўйиб, давлатдан 50 миллион сўм кредит олиб, ўз уйимда эшик-ром ва уй-рўзғор буюмларини ишлаб чиқаришни йўлга қўйдим ҳамда икки кишини иш билан таъминладим. Келажакда бу билан чекланиб қолмай, фаолиятимни янада кенгайтириб, элимизга, юртимизга хизмат қилишга мана шу минбардан туриб сизга ваъда бераман.Сардобалик тадбиркорнинг фикрлари билан танишган Президент унинг учун Ўзбекистон ҳар бир фуқароси тенг экан, ўз навбатида, ҳар ким хато қилишга ҳақли эканини таъкидлаб ўтди.Сардобалик якка тартибдаги тадбиркор
Мен сизнинг мана шу кўзингизни, мана шундай туришингизни кўриб, ўзим бутун вужудимдан айтмоқчиман — биласизларми, Ўзбекистоннинг барча фуқароси мен учун теппа-тенг. Ўзбекистоннинг ҳар бир фуқароси эртанги кунга ишониб яшашга ҳақли. Яна бир бор такрор айтаман — инсоннинг хато қилишга ҳақи бор. Лекин шу хато қилганни давлат ўз вақтида тўғри йўлга қайтариши ҳам қарз, ҳам фарз. Гапларингиздан миннатдорман. Худо хоҳласа, уч-тўрт йил ўтиб, сиз шундай бир намунавий инсон бўласизки, атрофдаги бутун ўртоқларингиз, дўстларингиз, бир вақтлари сиз билан кўришишга қўрқиб юрган одамлар ҳавас қилади. Мен мана шу кунларга етишни орзу қиламан. Соғ бўлинг!Элёр Исомов Президентнинг бу сўзларига, икки қўлини кўксига қўйганича: «Раҳмат, отажон!», деб жавоб қайтарди.Шавкат Мирзиёев, Ўзбекистон Президенти
Маълумот учун, 2017 йил сентябрь ойи ҳолатига кўра, Ўзбекистонда диний-экстремистик оқимлар аъзоси сифатида рўйхатда турган 17 мингдан ортиқ кишининг 16 минги «рўйхат»дан чиқарилган эди. Ўз навбатида, Президент «рўйхатдан чиқариш билан иш битмаслиги»ни, уларни «соғлом ҳаётга қайтариш масаласида ўта нозиклик билан, илм билан, маърифат билан, аввало, шахсий намуна кўрсатиб ишлаш керак»лигини таъкидлаган эди.
Изоҳ (0)