Бугун,

  • USD 11095.31
  • RUB 173.84
  • EUR 10772.44

Футбол бўйича Ўзбекистон Суперлигасида бугун — 10 март куни 2-тур беллашувларига якун ясалади. Бунгача 4 та учрашув ўтказиб улгурилди.

Фото: «Пахтакор»

Фото: «Пахтакор»

Суперлига. 8 март водий клублари учун аталди. Равшан Эрматов эса Миржалол Қосимовни майдондан четлатди

Суперлига. Амалдаги чемпион «Локомотив» 2-турдаёқ очко йўқотди. «Насаф» эса иродали ғалабага эришди

Турнинг марказий ўйини Тошкент дербиси бўлиб, унда Миржалол Қосимов ва Шота Арвеладзе жамоалари «Бунёдкор» стадионида тўқнаш келади. Ўтган мавсумни «пахтакорчилар» кучли учликда якунлаган бўлса, «Бунёдкор» 4-ўрин билан кифояланганди.

Тошкентнинг бу икки гранд клуби миллий чемпионат доирасида ҳозиргача 22 бор тўқнаш келган, кичик устунлик «қалдирғочлар» тарафида. «Бунёдкор» ҳисобида 7 та ғалаба бор, «Пахтакор»да эса 6 та. Яна 9 та беллашувда ғолибни аниқлашнинг имкони бўлмаган. Тўплар нисбати 25:20, «Бунёдкор» фойдасига.

«Пахтакор» мезбонлигида кечган ўйинлардан кўра, «Бунёдкор» уйидагилари нисбатан сермаҳсулроқ экани билан ажралиб туради. Чунки уларда 30 та гол урилган, «Пахтакор» уйидаги ўйинларда эса икки марта кам — 15 та.

Беллашув 17:30 да старт олади. Бир тур аввал «Бунёдкор»нинг АГМК клубига қарши ўйинини кўриш учун 12 минг ишқибоз ташриф буюрганди. Бугун мухлислар сони янада кўпроқ бўлиши катта эҳтимол. Қайд этиш керак, бир йил аввал «Бунёдкор»нинг барча уй учрашувларига 15 минг мухлис келган. Суперлигага асос солингач, мухлислар ташрифида ўсиш бошланган.

«Бунёдкор» стадионида ўтган 11 та ўйин орасидан мухлислар ташрифи борасидаги энг паст кўрсаткич айнан 2017 йилда кузатилган бўлиб, дербини томоша қилиш учун 2 123 ишқибоз келганди. 2008 йилги мавсум эса энг кўп одам йиққан — 18 210.

Ўзбекистон Суперлигаси 2-тур беллашувлари 10 март, шанба

«Бунёдкор» — «Пахтакор» 17:30«Сўғдиёна» — «Нефтчи» 20:00

Кеча — 10 март куни «Бунёдкор» ва «Пахтакор» ёшлари ўзаро кураш олиб бориб, унда Шуҳрат Мақсудов муаббийлик қилаётган ёш «қалдирғочлар» 3:0 ҳисобида зафар қучди. Бир йил аввал «Бунёдкор» Ёшлар Лигасини ғалаба билан якунлаганди.

Изоҳ
Асосий янгиликлар
Маҳаллий
Дунё
Совуқ урушни расман якунлаган Буш ва Ельцин, Францияга қочиб кетган машҳур режиссёр — Роман Полански ва “Буюк голланд тошқини”. Кун хронологиясида 1 февраль
Бизнес
Кремний водийсини забт этган ўзбекистонлик ҳуқуқшунос: Асрор Арабжонов АҚШга қандай бориб қолгани, виза ва стартаплари ҳақида