Осиё чемпионлар лигасининг 2-туридан ўрин олган учрашувда Эроннинг «Зоб Оҳан» жамоаси Тошкентнинг «Локомотив» клубини қабул қилиб, 2:0 ҳисобида мағлуб этишга эришди.
Учрашув тақдири иккинчи бўлимда ҳал этилди. Муртазо Табризий иккинчи бўлимнинг 47-дақиқасида боши билан тўпни дарвозага киритиб, ҳисобни очган бўлса, қўшиб берилган дақиқаларда ўтиб бораётган бир вақтда «Локо» ўйинчисининг хатосидан унумли фойдаланган Муҳаммад Ризо Ҳуссайни ҳисобнинг 2:0 бўлишини таъминлади.
Шу тариқа «Локомотив» мусобақанинг 2-ўйинидаёқ мағлубият аламини тотиб кўришга мажбур бўлди.
Осиё чемпионлар лигаси
«Б» гуруҳи
2-тур
«Зоб Оҳан» – «Локомотив» 2:0
Голлар: Муртазо Табризи 47 (1:0). Муҳаммад Ризо Ҳуссайни 90+2 (2:0).Огоҳлантиришлар: Икром Алибоев 37, Олег Зотеев 64.
Изоҳ (0)