Ўзбекистонлик спортчи Михаил Волинкин ҳаваскорлар ўртасида ўтказилаётган «Арнольд классик-2018» мусобақасида мутлақ чемпионликни қўлга киритди ва Ўзбекистон терма жамоасига олтин медални тақдим этди. Михаил ушбу ғалабаси орқали, Марказий Осиё мамлакатлари вакиллари ичида бодибилдинг бўйича профессионал карта қўлга киритган илк спортчига айланди. Бу ҳақда Миллий олимпия қўмитаси хабар бермоқда.
Ушбу мусобақа 1988 йилдан буён ўтказиб келинади. Мусобақанинг асосчиси машҳур спортчи, актёр, Калифорния собиқ губернатори Арнолььд Шварценеггер ҳисобланади.
Таъкидлаб ўтиш жоиз, Михаил Волинкиннинг ушбу ғалабаси ёш ўзбек спортчилари учун ҳақиқий намуна бўла олади. Болалар уйи тарбияланувчисининг жаҳон чемпионлигига қадар босиб ўтган йўли кўнгли ярим бўлган болажонлар учун ўзига бўлган ишончни ортишида муҳим рол ўйнайди, дейилади хабарда.
Шунингдек, яна бир ўзбекистонлик спортчи Олеся Гуреева мусобақанинг масреслинг баҳсларида биринчи ўринни қўлга киритгани қайд этиб ўтилган.
Изоҳ (0)