Қирғизистон пойтахти Бишкек мезбонлик қилган спорт курашлари бўйича Осиё Чемпионати ўз якунига етди, деб ёзди МОҚ матбуот хизмати.
Биринчи галда юнон-рум кураши бўйича турнир ўтказилган бўлиб, унда Ўзбекистон терма жамоаси умумжамоа ҳисобида Қирғизистон ҳамда Қозоғистондан кейин 3-ўринни эгаллаган.
Юнон-рум курашида Элмурат Тасмурадов (-63 кг) ўзини кўрсатиб, олтин медалга эга чиққан бўлса, Рустам Ассакалов (-97 кг) ҳамда Мўмин Абдуллаев (-130 кг) финал жангида имкониятни бой бериб, кумуш билан чекланган. Ислом Баҳромов (-60 кг), Мирзобек Раҳматов (-67 кг) ва Арам Варданян (-72 кг) бронзани қўлга киритган.
Эркин курашда эса Ўзбекистон терма жамоаси Осиёнинг қолган мамлакатларидан устунлик қилди. Бу ерда Ихтиёр Наврўзов (-63 кг), Магомед Ибрагимов (-97 кг), Давид Модзманашвили (-125 кг) олтин медаль билан тақдирланган. Маҳмуд Шавкатов (- 57 кг) ва Рашид Қурбонов (-79 кг) кумушга эга чиққан. Яна уч спортчи — Аббос Раҳмонов (-61 кг), Тимур Усмоноҳунов (-65 кг), Азиз Солиев (-92 кг) бронза билан чекланган.
Изоҳ (0)