Польшада Украина ва Грузия фуқароларидан иборат гуруҳ полиция ходимларига ҳужум қилди. Бу ҳақда «РИА Новости» хабар бермоқда.
Ҳодиса Згеж шаҳрида 23 февраль, жума куни тунги пайт рўй берди. Кўчаларни патруллаш чоғида полициячилар маст ҳолатдаги бир неча эркакни пайқади.
Полиция чет элликларни тинчлантиришга уринди ва ҳужжатларини кўрсатишни сўради. Бироқ улар бўйсунишдан бош тортиб, ходимларни тошбўрон қилди.
Полиция ходимлари ҳавога қарата бир неча бор ўқ узди, сўнг тўполончиларни нишонга олди.
Хабар беришларича, 13 киши қўлга олинган, улардан 4 нафари оёғидан яраланиб, касалхонага етказилган.
Изоҳ (0)