Polshada Ukraina va Gruziya fuqarolaridan iborat guruh politsiya xodimlariga hujum qildi. Bu haqda “RIA Novosti” xabar bermoqda.
Hodisa Zgej shahrida 23-fevral, juma kuni tungi payt ro‘y berdi. Ko‘chalarni patrullash chog‘ida politsiyachilar mast holatdagi bir necha erkakni payqadi.
Politsiya chet elliklarni tinchlantirishga urindi va hujjatlarini ko‘rsatishni so‘radi. Biroq ular bo‘ysunishdan bosh tortib, xodimlarni toshbo‘ron qildi.
Politsiya xodimlari havoga qarata bir necha bor o‘q uzdi, so‘ng to‘polonchilarni nishonga oldi.
Xabar berishlaricha, 13 kishi qo‘lga olingan, ulardan 4 nafari oyog‘idan yaralanib, kasalxonaga yetkazilgan.
Izoh (0)