Россиянинг Ростов вилоятида автобус иштирокида рўй берган йўл-транспорт ҳодисасида беш киши ҳалок бўлди, 14 киши жароҳатланди, деб хабар беради «РИА Новости».
Ҳалок бўлганлар орасида ёш бола ҳам бор.
Автобус салонида ҳаммаси бўлиб 31 нафар йўловчи ва икки ҳайдовчи бўлган.
King Long автобуси Белокалитвинск туманидаги М-21 йўлининг 318-километрида ҳалокатга учраган. У Саратовдан Ростовга кетаётган эди.
Дастлабки маълумотларга кўра, автобуснинг 50 ёшли ҳайдовчиси бошқарувни йўқотиши оқибатида транспорт воситаси йўл четидаги ариққа қулаб кетган.
Ҳозирда ҳолат юзасидан суриштирув ишлари олиб борилмоқда.
Изоҳ (0)