19 ёшли ҳиндистонлик йигит WhatsApp мессенжери орқали видеоқўнғироқ чоғида ўз жонига қасд қилди. Бундай хатти-ҳаракат сабаби борасидаги асосий версия — йигитнинг севгилиси билан муносабатлари ота-онаси томонидан танқид қилингани. Бу ҳақда Daily Mail хабар бермоқда.
Фожиа тафсилотлари ҳақида полицияга йигитнинг маъшуқаси гапириб берди. Патна шаҳрида яшовчи Акаш Кумар қиз билан сўнгги марта мулоқот қилиш учун унга мессенжер орқали қўнғироқ қилган — йигит ва қизнинг оилалари уларнинг ишқий муносабатларига қарши бўлгани туфайли, ёшлар айрилиши керак эди.
Қиз видеочатга қўшилганида Кумар каравотда ётиб, бошида тўппонча ўқталиб турган. Қиз ундан қуролни нари олиб, ўқини чиқаришни сўраган, аммо у бош тортган. Кумарнинг жасадини кейинроқ унинг қариндоши топиб олган.
Ҳиндистон ОАВлари ҳодисага бахтсиз муҳаббат эмас, йигитнинг ўқиши яхши эмаслиги сабаб бўлганини таъкидламоқда. Баъзи манбалар эса Кумарнинг отаси у жиноятга алоқадор оиланинг қизи билан учрашишини истамаганлиги, муаммо шундан келиб чиққанлигини таъкидламоқда.
Изоҳ (0)