АҚШ президенти Дональд Трамп ўзидан олдинги президентлар «юзлаб хавфли террорчиларни, шу жумладан, ИШИД гуруҳи бошлиғи Абу Бакр ал-Бағдодийни ўйламасдан қўйиб юборгани» ҳақида эслатди, деб ёзади «ТАСС».
«Илгари биз юзлаб хавфли террорчиларни, шу жумладан, ИШИД бошлиғи ал-Бағдодийни мулоҳазасизлик билан қўйиб юбориб, энди улар билан жанг майдонида яна учрашиб турибмиз», — деди Оқ уй раҳбари. У 31 январь, сешанба куни Обаманинг Гуантанамодаги махсус қамоқхонани ёпиш ҳақидаги фармонини бекор қилганини қўшиб қўйди. Президент АҚШ мудофаа вазири Жеймс Мэттисга Гуантанамода ҳибсда сақлаш бўйича Америка ҳарбий сиёсатини қайта кўриб чиқишни топширди.
Трамп террорчиларни йўқ қилиш кераклигини, зарур бўлганида эса, уларни қўлга олиб, сўроқ қилиш зарурлигини айтди.
Трамп Конгрессни ИШИД ва «Ал Қоида» билан курашда Вашингтонга таъқиб қилинаётган террорчиларни қаерда бўлмасин қўлга олиш учун зарур ҳуқуқларга эга бўлиш имконини берувчи қонун лойиҳаларини қабул қилишга чақирди.
Изоҳ (0)