АҚШ Адлия вазирлиги ҳамда Қимматли қоғозлар ва биржалар бўйича комиссияси бир қатор iPhone моделларининг ишини атайлаб секинлаштиргани юзасидан Apple корпорациясига нисбатан терговни бошлади. Бу ҳақда Bloomberg’га таяниб, «Корреспондент.net» хабар берди.
Америка ҳукуматининг тахминича, Apple эски моделдаги смартфонларнинг ишини атайлаб секинлаштираётганини тан олган ҳолда маълумотларни ошкор этмаслик борасидаги қонунни бузган бўлиши мумкин. Бундан ташқари, текширув органлари компания ўзининг бу каби хатти-ҳаракатлари билан инвесторларни «йўлдан адаштириши» мумкин дея ҳисобламоқда.
Эслатиб ўтамиз, калифорниялик Виолетта Майлян исмли аёл Apple ўзининг iPhone 6, iPhone 6 Plus, iPhone 6S Plus ҳамда iPhone SE каби моделларнинг ишини атайлаб секинлаштириб қўйгани учун уни судга ҳам берган эди.
Изоҳ (0)